“Parla”nın məzunu Dövlət Proqramının iştirakçısı olub

28 Avqust 2025 19:04 |
Kateqoriya : KARYERA |
4

“Parla”nın məzunu Dövlət Proqramının iştirakçısı olub

Parlaq gələcəyə işıq salan "Parla" təqaüd və inkişaf proqramı daha bir qızın yolunu aydınladıb.

“Azərbaycan müəlimi” xəbər verir ki, “Parla” təqaüd və inkişaf proqramının iştirakçısı Dövlət Proqramının qalibi olub.

Təhsilin İnkişafı Fondunun “NEQSOL Holding” ilə birgə əməkdaşlığı çərçivəsində həyata keçirdiyi “Parla”nın builki məzunu Leyla Quliyeva “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”nın qalibi olub.

O, magistratura təhsilini ABŞ-nin nüfuzlu Kolumbiya Universitetində “Sənaye mühəndisliyi” (MSc in Industrial Engineering) ixtisası üzrə davam etdirəcək.

Qeyd edək ki, Leyla Quliyeva 675.6 balla Bakı Ali Neft Məktəbinin “Proseslərin avtomatlaşdırılması mühəndisliyi” ixtisası üzrə təhsil alıb.

O, bakalavr təhsilini 94.94 ÜOMG ilə başa vurub.