Nəhəng antena kosmosda "çiçək açdı"

19 Avqust 2025 11:48 |
Kateqoriya : TEXNOLOGİYALAR |
5

Nəhəng antena kosmosda "çiçək açdı"

NASA ilə Hindistanın kosmik agentliyi ISRO-nun birlikdə hazırladığı NISAR adlı peyk kosmosda rekord ölçülü antenasını uğurla açıb.

"Azərbaycan müəllimi" xəbər verir ki, peyk 30 iyulda Hindistandan buraxılıb və avqustun ortalarında 12 metrlik antena tam açılaraq istifadəyə hazır olub. Bu proses "çiçək açması" adlandırılıb.

Bu antena sayəsində peyk Yerin səthində baş verən dəyişiklikləri çox dəqiq izləyə biləcək. O, dağların hərəkətini, buzlaqların əriməsini, torpağın sürüşməsini və digər prosesləri incəliklə qeydə alacaq. NISAR hər 12 gündə Yer üzünü iki dəfə skan edəcək.

Peyk həm NASA-nın, həm də ISRO-nun xüsusi radar sistemlərindən istifadə edir. Bu radarlar buludların, meşələrin və qarın altını belə görə bilir. Toplanan məlumatlardan alimlər Yerin dəyişikliklərini 3D formatda izləyə biləcəklər.

NISAR-ın elmi müşahidələrə bu ilin payızında başlaması gözlənilir.

Facebookda bizi izləyin

Telegram kanalı

Whatsapp kanalı

Əvvəlki Xəbərlər NASA iqlim dəyişikliyi araşdırmalarını dayandırır

Sonrakı Xəbərlər UFAZ tələbəsi beynəlxalq elmi proqramda xüsusi fərqlənmə əldə edib