18 sahə üzrə 52 nəfərə elmlər doktoru dərəcəsi verilib

18 sahə üzrə 52 nəfərə elmlər doktoru dərəcəsi verilib

Azərbaycan Respublikasının Prezidenti yanında Ali Attestasiya Komissiyasında (AAK) müxtəlif elm sahələri üzrə elmlər doktoru elmi dərəcələri təsdiqlənib.

AAK-dan “Azərbaycan müəllimi”nə verilən məlumata görə, 18 elm sahəsi üzrə elmlər doktoru elmi dərəcəsi almış iddiaçılara diplomlar təqdim olunub.

Belə ki, riyaziyyat və astronomiya elmləri üzrə 2, fizika üzrə 4, kimya üzrə 2, biologiya üzrə 4, aqrar elmlər üzrə 1, yer elmləri üzrə 1, texnika elmləri üzrə 7, iqtisad elmləri üzrə 7, tarix üzrə 5, fəlsəfə üzrə 2, filologiya üzrə 8, pedaqogika üzrə 3, psixologiya üzrə 1, sosiologiya üzrə 1, sənətşünaslıq üzrə 1, politologiya üzrə 1, nəşriyyat işi üzrə 1, milli təhlükəsizlik və hərb elmləri üzrə 1 nəfərə elmlər doktoru elmi dərəcəsi verilib.

Eyni zamanda riyaziyyat və astronomiya üzrə 1, aqrar elmlər üzrə 1, texnika elmləri üzrə 3, iqtisad elmləri üzrə 3, tarix üzrə 2, filologiya üzrə 3, pedaqogika üzrə 1, psixologiya üzrə 1, sosiologiya üzrə 1 və nəşriyyat işi üzrə 1 nəfərə elmi dərəcə verilməsindən imtina edilib.