Daha 3 RFO qalibi Qarabağ Universitetində təhsil alacaq

Daha 3 RFO qalibi Qarabağ Universitetində təhsil alacaq 

Respublika fənn olimpiadalarının (RFO) qalibi olan Şirvan–Salyan regionunun məktəblərinin 3 nəfər məzunu Qarabağ Universitetinə müsabiqədənkənar qəbul olmaq üçün Dövlət İmtahan Mərkəzinə (DİM) müraciət edib. 

Şirvan–Salyan Regional Təhsil İdarəsindən "Azərbaycan müəllimi"nə bildirilib ki, həmin məzunlardan biri  olan Pəri Bağırova Salyan rayonu Dayıkənd kənd tam orta ümumtəhsil məktəbinin məzunudur. O,  Azərbaycan dili və ədəbiyyat fənni üzrə RFO-nun gümüş və bürünc medalın sahibidir.

Qarabağ Universitetində təhsil almaq üçün “Azərbaycan dili və ədəbiyyat müəllimliyi"  ixtisasını seçib.

Vaqif Rzayev Neftçala rayonu Aşağı Surra kənd tam orta ümumtəhsil məktəbinin məzunudur. Tarix fənni üzrə RFO-da bürünc medal qazanıb. Qarabağ Universitetində təhsil almaq üçün “Tarix müəllimliyi” ixtisasını seçib.

Xədicə Dünyamalıyeva Neftçala rayonu Aşağı Surra kənd tam orta ümumtəhsil məktəbinin məzunudur. Tarix fənni üzrə RFO-larda qızıl, gümüş və bürünc medalların sahibi olub. Qarabağ Universitetində “Tarix” ixtisası üzrə təhsil almaq üçün müraciət edib.