Ana Səhifə
PEŞƏ TƏHSİLİ

Ağdaş rayonunda peşə festivalı keçirilib

26 May 2025 20:25 |
Kateqoriya : PEŞƏ TƏHSİLİ |
16

Ağdaş rayonunda peşə festivalı keçirilib

Ağdaş rayonunda “Peşən sənsən” devizi altında peşə festivalı keçirilib. Heydər Əliyev adına parkda keçirilən tədbir Ağdaş Peşə Məktəbinin təşkilatçılığı və Ağdaş Rayon İcra Hakimiyyətinin təşkilatçılığı ilə reallaşıb.

Bu barədə Peşə Təhsili üzrə Dövlət Agentliyindən “Azərbaycan müəllimi”nə məlumat verilib. Bildirilib ki, festivalın məqsədi gənclərin və məktəblilərin peşə təhsilinə marağının artırılması, onları əmək bazarının tələblərinə uyğun peşələrlə tanış etmək və düzgün peşə seçiminə təşviq etmək olub.

Festival çərçivəsində aşpaz, dərzi, çilingər, elektrik qaynaqçısı, bərbər və digər ixtisaslar üzrə təqdimatlar və ustad dərsləri təşkil edilib.

Stendlərdə təhsilalanların hazırladığı məhsullar, əl işləri və layihələr nümayiş olunub. İştirakçılar təqdim olunan peşələrlə yaxından tanış olmaq imkanı əldə ediblər.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Azərbaycanın müdafiə sənayesi üçün kadr hazırlığı sahəsində mühüm sənəd imzalanıb

Sonrakı Xəbərlər ADNSU tələbələri beynəlxalq layihədə iştirak ediblər