Böyük universitetlərin təcrübələrini Azərbaycana gətirmək təhsili yaxşılığa doğru dəyişirmək üçün atılan addımdır - Nazir müavini

"Keyfiyyətcə bizi nə dəyişir?" sualına cavab olaraq deyə bilərəm ki,  birinci, getdiyimiz və səyahət etdiyimiz yerlər, ikinci, görüşdüyümüz insanlar və müzakirə etdiklərimiz, üçüncü, oxuduğumuz kitablar".

“Azərbaycan müəllimi” xəbər verir ki, bunu elm və təhsil nazirinin müavini Kənan Kərimzadə ADA Universitetində keçirilən "Yeni çağırışlar" kitabının təqdimatı zamanı qeyd edib.
Nazir müavini bildirib ki, Azərbaycanın keçdiyi təhsil yolu özünəməxsusdur. "Keyfiyyətcə  özümüzü dəyişmək istəyiriksə, bu yolu öz təcrübələrimizlə keçib öz toxunuşlarımızı etmək zərurətimiz var.  "Yeni çağırışlar" kitabı bizi  fərqli-fərqli insanlarla gorüşdürür, hansılar ki, dünyanın ən müxtəlif ölkələrində, ən böyük universitetlərində təhsil verirlər. O şəxslərin təcrübələrini Azərbaycan təhsilinə gətirmək, onların təcrübələrini bölüşmək təhsilimizi yaxşılığa doğru dəyişmək üçün atılan bir addımdır. Kitab yeganə qiymətli vəsaitdir ki, özü-özlüyündə həm insanları, həm fikirləri, həm getdiyimiz, gəzdiyimiz yerləri əks etdirir”.