Paytaxt məktəblərində Yusif Məmmədəliyevin yubileyi qeyd olunub

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində akademik Yusif Məmmədəliyevin 120 illik yubileyi ilə əlaqədar tədbirlər keçirilib.

"Azərbaycan müəllimi" xəbər verir ki, “Akademik Yusif Məmmədəliyevin 120 illiyinin qeyd edilməsinə dair Elm və Təhsil Nazirliyinin Tədbirlər Planı”na əsasən, paytaxt məktəblərində görkəmli akademikin yubileyinə həsr olunan seminarlar, “Dəyirmi masa”lar və kimya olimpiadaları təşkil olunub.

Tədbirlərdə akademik Yusif Məmmədəliyevin həyat və fəaliyyəti, onun dünya elminə bəxş etdiyi zəngin irsi, kimya sahəsindəki yenilikləri barədə geniş məlumat verilib. Kimya elminin inkişafında Yusif Məmmədəliyevin müstəsna xidmətləri olduğu şagirdlərin diqqətinə çatdırılıb, onun elmi fəaliyyətinin neft-kimya sahəsində fundamental tədqiqatların əsasını qoyduğu, respublikamızda bu istiqamətdə elmi məktəbin formalaşmasına və beynəlxalq elmi nüfuzun artmasına ciddi töhfə verdiyi qeyd edilib.

Həmçinin tədbirlərdə görkəmli alimin gənc nəslin elmi dünyagörüşünün formalaşmasında xidmətləri haqqında danışılıb.