Mərkəzi Elmi Kitabxananın “İnformasiya bülleteni”nin növbəti sayı dərc olunub

Mərkəzi Elmi Kitabxananın “İnformasiya bülleteni”nin növbəti sayı dərc olunub

AMEA-nın Mərkəzi Elmi Kitabxanasının 2025-ci ilin ikinci rübünə aid “İnformasiya bülleteni” işıq üzü görüb. Nəşrdə bu dövrdə kitabxanaya daxil olan Azərbaycan və xarici dillərdə kitablar, dövri və ardı davam edən nəşrlər, avtoreferatların biblioqrafik göstəriciləri təqdim olunur. İstifadəni asanlaşdırmaq məqsədilə burada əks olunan sənədlər elm sahələri üzrə qruplaşdırılıb, əlifba sırası ilə düzülüb.

Bülletenin bu sayında akademik İsa Həbibbəylinin şəxsi kolleksiyasına daxil edilən ədəbiyyatların, eləcə də professor-arxeoloq Əsədulla Cəfərovun hədiyyə etdiyi nəşrlər əsasında formalaşdırılmış yeni kitab kolleksiyasının təsvirləri yer alıb.

Nəşrdə 100 illik tarixə malik Mərkəzi Elmi Kitabxananın kartoteka sisteminin inkişaf mərhələləri və hazırda müasir elektron sistemlə paralel fəaliyyəti haqqında araşdırma məqalə də dərc olunub.

Bülletenin sonunda isə aprel–iyul aylarında kitabxanada keçirilən tədbirlərin xronikası ilə daha ətraflı tanış olmaq üçün QR-kod keçidləri oxucuların ixtiyarına verilib.