Uşaqların Müdafiəsi İdarəsinin mütəxəssisləri 114 məktəbdə çalışacaqlar

Uşaqların Müdafiəsi İdarəsinin mütəxəssisləri 114 məktəbdə çalışacaqlar

Xəbər verdiyimiz kimi, “Məktəblinin dostu” layihəsi 2025-ci ilin mart ayından etibarən Elm və Təhsil Nazirliyinin tabeliyində Uşaqların Müdafiəsi İdarəsinin tərkibində fəaliyyətini davam etdirir. 2025-2026-cı tədris ilində bu idarənin mütəxəssislərinin fəaliyyət göstərdiyi məktəblərin sayı 78-dən 114-ə çatdırılacaq.

Qurumdan “Azərbaycan müəllimi”nə verilən məlumata görə, Uşaqların Müdafiəsi İdarəsinin mütəxəssislərinin Bakı, Sumqayıt, Abşeron, Gəncə, Masallı, Cəlilabad və Lənkəran şəhərlərində olacaq, onlar həmçinin Yevlax, Mingəçevir və Ağdaş şəhərlərində də fəaliyyətə başlayacaqlar.

Qeyd edək ki, Elm və Təhsil Nazirliyinin “Məktəblinin dostu” layihəsi 2016-cı ilin dekabr ayında 30 ümumi təhsil müəssisəsində fəaliyyətə başlayıb. 2024-2025-ci tədris ilində layihə 70 aktiv, 160 monitorinq olmaqla, 238 ümumi təhsil müəssisəsində fəaliyyət göstərib. Həmin müəssisələr Bakı, Sumqayıt, Abşeron, Gəncə, Masallı, Cəlilabad və Lənkəran şəhərlərini əhatə edib.