Orta ixtisas təhsili müəssisələrinə qeydiyyat başladı

14 Avqust 2025 16:04 |
Kateqoriya : ORTA TƏHSİL |
10

Orta ixtisas təhsili müəssisələrinə qeydiyyat başladı

Ümumi orta təhsil bazasından orta ixtisas təhsili müəssisələrinə qəbul olanlar üçün qeydiyyat prosesinə 14 avqust saat 11:00-da başlanılıb.

“Azərbaycan müəllimi” xəbər verir ki, müraciətçilər https://portal.edu.az/ elektron xidmətində qeydiyyatdan keçərək “Ali və orta ixtisas təhsili pilləsinə təhsilalan qeydiyyatı” xidmətini seçməklə müraciət edə bilərlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür. Həmçinin müraciət zamanı sosial baxımdan həssas əhali qrupuna aid edilən ailələrin üzvü olan şəxslərə təhsil haqqından azad olunmaq və ya təhsil haqqı güzəşti əldə etmək üçün məlumatların təqdim edilməsi hissəsi də mövcuddur.

Elektron sistem üzrə qeydiyyat 22 avqust saat 18:00-da başa çatacaq.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Yapon alimləri yeni akustik levitasiya cihazı hazırlayıblar

Sonrakı Xəbərlər Zoologiya İnstitutunun əməkdaşlarının məqaləsi nüfuzlu jurnalda dərc edilib