İbtidai sinif müəllimləri üçün seminar təşkil edilib

İbtidai sinif müəllimləri üçün seminar təşkil edilib

Quba-Xaçmaz Regional Təhsil İdarəsinin təşəbbüsü və təşkilatçılığı, Azərbaycan Gənc Müəllimlər Assosiasiyasının tərəfdaşlığı ilə regionun ümumi təhsil müəssisələrində çalışan ibtidai sinif müəllimlərinin peşəkar inkişafına dəstək məqsədilə ikigünlük seminar keçirilib. 

“Azərbaycan müəllimi” xəbər verir ki, təlimlər Azərbaycan Gənc Müəllimlər Assosiasiyasının sədri Pərvinə Qədimova tərəfindən aparılıb.

Seminarın birinci günü “Mətn üzrə işin təşkili” mövzusunda nəzəri biliklər və müasir tədris yanaşmaları təqdim olunub, bacarıqların formalaşdırılması üçün tətbiqi tapşırıqlar yerinə yetirilib. İkinci gün isə “Tətbiqi bacarıqların formalaşdırılması” istiqamətində interaktiv məşğələlər və praktiki tapşırıqlar icra edilib. 

Təlim müddətində müəllimlər arasında təcrübə mübadiləsi aparılıb, yeni metodik yanaşmaların dərs prosesində tətbiqi imkanları müzakirə olunub.