BDU-da Süni İntellekt Etikası üzrə Gənclər Forumu keçiriləcək

BDU-da Süni İntellekt Etikası üzrə Gənclər Forumu keçiriləcək

Azərbaycan Respublikasının Gənclər və İdman Nazirliyi, Bakı Dövlət Universiteti, İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi - 4SİM, Dünya Azərbaycanlıları Gənclər Təşkilatı və Süni İntellekt Azərbaycan Platformasının birgə təşkilatçılığı ilə ilk dəfə olaraq Süni İntellekt Etikası üzrə Birinci Gənclər Forumu keçiriləcək.

Bu barədə “Azərbaycan müəllimi”nə BDU-dan məlumat verilib.

Bildirilib ki, forumda iştirakçıları süni intellektin etik tərəfləri ilə bağlı dərin müzakirələr, tanınmış ekspertlərin çıxışları və interaktiv panel sessiyalar, real təcrübələr, ideya mübadiləsi və mütəxəssislərlə şəbəkələşmə imkanı, gələcəyin texnologiyasına fərqli baxış bucağı qazanmaq imkanı gözləyir. 

Qeyd edək ki, Forum Azərbaycan Respublikasının Prezident cənab İlham Əliyevin 2025-ci il 19 mart tarixli sərəncamı ilə təsdiq edilmiş “Azərbaycan Respublikasının 2025–2028-ci illər üçün süni intellekt Strategiyası”nın müvafiq bəndlərinə əsasən, həyata keçirilir.

Məkan: Bakı Dövlət Universiteti

Son müraciət tarixi: 30 avqust 2025-ci il

Qeydiyyat forumu: https://forms.gle/np7JT8cGHN6krkho7