Azərbaycanın regional universiteti “QS Stars” qiymətləndirməsində iştirak edib

17 İyul 2025 14:36 |
Kateqoriya : ALİ TƏHSİL |
6

Azərbaycanın regional universiteti “QS Stars” qiymətləndirməsində iştirak edib

“Quacquarelli Symonds” (QS) qlobal reytinq agentliyi tərəfindən keçirilən “QS Stars” audit qiymətləndirməsində Lənkəran Dövlət Universitetinin fəaliyyəti 3 ulduz (“yaxşı”) ilə qiymətləndirilib.

Elm və Ali Təhsil üzrə Dövlət Agentliyindən “Azərbaycan müəllimi”nə bildirilib ki, ümumilikdə 9 fərqli kateqoriya üzrə fəaliyyəti dəyərləndirilən Lənkəran Dövlət Universiteti 3 kateqoriya üzrə 5 ulduz (“mükəmməl”) əldə edib.

“QS Stars” ali təhsil müəssisələrinin müxtəlif istiqamətlərdə fəaliyyətini qiymətləndirən beynəlxalq reytinq sistemidir. Sözügedən sistem universitetlərin güclü və inkişaf etdirilməli sahələrini müəyyən etməyə dəstək olmaqla onların qlobal səviyyədə tanınmasına töhfə verir.

Qeyd edək ki, öncəki aylarda Azərbaycanın bir neçə aparıcı universiteti “QS Stars” qiymətləndirməsindən uğurla keçiblər.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Qabiliyyət imtahanı verəcək şəxslərin NƏZƏRİNƏ!

Sonrakı Xəbərlər Rus bölməsi üzrə I sinfə qəbul üçün məktəb və müəllim seçimi başlayır