Azad edilmiş ərazilərə qayıdan 608 nəfər peşə təlimlərinə cəlb edilib

Azad edilmiş ərazilərə qayıdan 608 nəfər peşə təlimlərinə cəlb edilib

“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”  çərçivəsində peşə təhsili üzrə təlimlərdə  608 nəfər iştirak hüququ qazanıb.

“Azərbaycan müəllimi” Peşə Təhsili üzrə Dövlət Agentliyinin məlumatına istinadən xəbər verir ki, qısamüddətli təlimlər 35 ixtisas üzrə təşkil olunub.

Təlimlərdə iştirak üçün ümumilikdə 1077 nəfər müraciət edib. Onların  608 nəfəri seçim mərhələsini uğurla keçərək təlimlərdə iştirak hüququ qazanıb.

Qeyd edək ki, təlimləri uğurla başa vuran şəxslərə əmək fəaliyyətinə başlamağa imkan verən dövlət nümunəli sertifikat təqdim edilir. Təlimlərin əsas məqsədi işğaldan azad edilmiş ərazilərə qayıdan əhalinin kvalifikasiyalarının artırılması yolu ilə davamlı məşğulluğunun təmin edilməsidir. Təlim istiqamətləri əmək bazarının dəyişən ehtiyaclarına uyğun olaraq müəyyən edilir və müvafiq sahə üzrə texniki biliklərə sahib olan, həmçinin təlimçilik sahəsində kifayət qədər təcrübəsi olan şəxslər tərəfindən keçirilir.