“Son iki ildə 300-dən çox şagirdin dərsə davamiyyəti bərpa olunub” – Agentlik sədri

“Son iki ildə 300-dən çox şagirdin dərsə davamiyyəti bərpa olunub” – Agentlik sədri

Bu il 8-i qız, 5-i oğlan olmaqla, sosial xidmət müəssisələrində məskunlaşan 13 nəfər məzun olub.

“Azərbaycan müəllimi” xəbər verir ki, bu fikirləri Sosial Xidmətlər Agentliyinin İdarə Heyətinin sədri Vüqar Behbudov agentliyin yaradılmasının 5 illiyi münasibətilə keçirilən mətbuat konfransında səsləndirib.

O bildirib ki, son iki ildə 300-dən çox şagirdin dərsə davamiyyəti bərpa olunub:

"Məktəb təhsilini uğurla bitirən məzunlarımız orta ixtisas və ali təhsil müəssisələrinə qəbul olmaq üçün müraciət ediblər. 
Əlbəttə ki, bu nailiyyətlər bizi sevindirir və növbəti illərdə bu göstəricilərin daha yüksək olmasına çalışacayıq. Bununla yanaşı, uşaq evlərində yaşayan uşaqlarımızın idmana və digər faydalı vərdişlərə cəlb edilməsi üçün addımlar atırıq. Sevindirici haldır ki, sakinlərimiz futbol, güləş, rəsm və digər sahələrdə də fərqlənərək birincilik əldə edirlər".