Koreyada təhsil alan BMU-INHA IDP tələbələri üçün magistraturaya qəbul imtahanı keçirilib

Koreyada təhsil alan BMU-INHA IDP tələbələri üçün magistraturaya qəbul imtahanı keçirilib

Bakı Mühəndislik Universiteti ilə Koreyanın INHA Universiteti arasında icra olunan ikili diplom proqramının (BMU-INHA IDP) IV kurs tələbələri üçün Azərbaycan Respublikasının ali təhsil müəssisələrinin magistraturalarına növbəti qəbul imtahanı keçirilib.

Universitetdən “Azərbaycan müəllimi”nə bildirilib ki, rektor Yaqub Piriyevin təşəbbüsü ilə ötən ildən etibarən onlayn formatda gerçəkləşdirilən imtahanlar Dövlət İmtahan Mərkəzi (DİM) ilə birgə təşkil olunub.

Builki imtahanda 64 tələbə iştirak edib. INHA Universitetinin şərait yaratdığı zalda və DİM tərəfindən hazırlanan proqram əsasında keçirilən imtahanlar 3 saat 30 dəqiqə davam edib. İmtahan prosesinə DİM və BMU-INHA IDP heyəti tərəfindən nəzarət olunub.

Qeyd edək ki, 3+1 modelinə əsaslanan IDP çərçivəsində hazırda 319 tələbə təhsil alır. Onlar 3 il BMU-da, 1 il isə INHA Universitetində təhsil almaq hüququna malikdir. Ötən il proqramdan ilk dəfə 61 nəfər məzun olub. INHA Universitetində 4-cü tədris ili üzrə təhsil alan 83 tələbə isə bu ilin yay aylarında növbəti məzunlar kimi Azərbaycana dönəcəklər.