İsmayıllı Dağlıq Şirvanın ən fərqlənən rayonu oldu – 9 medal

İsmayıllı Dağlıq Şirvanın ən fərqlənən rayonu oldu – 9 medal  

Dağlıq Şirvan Regionu üzrə Respublika fənn olimpiadalarının final mərhələsində 17 medal qazanılıb.

Bu barədə "Azərbaycan müəllimi"nə Dağlıq Şirvan Regional Təhsil İdarəsindən məlumat verilib.
 
Bildirilib ki, olimpiadanın finalında Dağlıq Şirvan regionunun 29 şagirdi iştirak edib. Onların 17-si yüksək nəticə göstərərək medal qazanıb.

İsmayıllı rayonunu təmsil edən 17 şagirddən 9-u medal qazanmağa nail olub. Onların 3-ü qızıl, 3-ü gümüş, 3-ü isə bürünc medal əldə edib.

Qobustan rayonunun finala vəsiqə qazanan 4 şagirdindən biri qızıl, ikisi bürünc medal qazanıb. Şamaxı rayonunu təmsil edən 4 iştirakçıdan 2-si gümüş, 1-i isə bürünc medalla fərqlənib.

Ağsu rayonundan final mərhələsində iştirak edən 4 şagirddən 2-si medal qazanıb. Onlardan biri qızıl, digəri isə gümüş medala layiq görülüb.

Nəticə etibarilə Dağlıq Şirvan regionu üzrə RFO-da 5 qızıl, 6 gümüş və 6 bürünc olmaqla, 17 medal qazanılıb. Bu göstərici regionun təhsil sistemindəki inkişafın və şagirdlərin elmi biliklərə olan marağının bariz nümunəsidir.